Friday, 26 June 2015

بابا میٹنگ والی سرکار (دامت برکاتہم العالیہ) پہلی قسط

0 آرا

ﺷﺎﻥِ ﻧﺰﻭﻝ ﻭ ﻋﺮﺽ ِ ﻣﺼﻨﻒ ‏( ﺗﻤﮩﯿﺪﯼ ﺑﯿﺎﻥ ﺑﺎﺯﯼ ‏)

ﺗﻌﺪﺍﺩ ﻣﯿﮟ ﺗﯿﻦ ﮔﻨﺎ ﺑﮍﯼ ﺍﺑﺮﺍﮨﯿﻢ ﻟﻮﺩﮬﯽ ﮐﯽ ﻓﻮﺝ ﮐﻮ ﺷﮑﺴﺖ ﺩﯾﻨﮯ ﻭﺍﻟﮯ ﻇﮩﯿﺮ ﺍﻟﺪﯾﻦ ﺑﺎﺑﺮ ﮐﮯ ﺩﻭ ﺳﺮﺩﺍﺭ ﺟﺐ ﺭﺍﺟﭙﻮﺗﺎﻧﮯ ﺳﮯ ﻟﻮﭨﮯ ﺗﻮ ﻧﮧ ﺻﺮﻑ ﺷﮑﺴﺖ ﺧﻮﺭﺩﮦ ﺗﮭﮯ ﺑﻠﮑﮧ ﺧﻮﻓﺰﺩﮦ ﺑﮭﯽ ﺗﮭﮯ۔ ﻭﮦ ﻣﻐﻞ ﺟﻮ ﺍﺯﺑﮏ ﺷﯿﺒﺎﻧﯽ ﺧﺎﻥ ، ﺍﺳﻤﻌﯿﻞ ﺻﻔﻮﯼ ﮐﮯ ﻗﺰﻟﺒﺎﺷﻮﮞ ﺍﻭﺭ ﻗﺒﺎﺋﻠﯽ ﻋﻼﻗﮯ ﮐﮯ ﺁﻓﺮﯾﺪﯼ ﺍﻭﺭ ﺩﻟﺰﺍﮎ ﭘﭩﮭﺎﻧﻮﮞ ﺳﮯ ﺩﻭ ﺑﺪﻭ ﻟﮍﮮ ، ﺍﺑﺮﺍﮨﯿﻢ ﻟﻮﺩﮬﯽ ﮐﻮ ﭘﺎﻧﯽ ﭘﺖ ﻣﯿﮟ ﺑﭽﮭﺎ ﺩﯾﺎ ۔ ﻭﮦ ﺭﺍﻧﺎ ﺳﺎﻧﮕﺎ ﮐﮯ ﺭﺍﺟﭙﻮﺕ ﻟﺸﮑﺮ ﺳﮯ ﺧﻮﻓﺰﺩﮦ ﺗﮭﮯ۔ ﯾﮩﺎﮞ ﺗﮏ ﮐﮧ ﺑﺎﺑﺮ ﮐﮯ ﺍﻧﺘﮩﺎﺋﯽ ﻭﻓﺎﺩﺍﺭ ﺍﻭﺭ ﻗﺪﯾﻢ ﺭﻓﯿﻖ ﺧﻮﺍﺟﮧ ﮐﻼﮞ ﻧﮯ ﺑﮭﯽ ﺑﺎﺑﺮ ﮐﻮ ﺍﺱ ﻣﺴﺌﻠﮯ ﭘﺮ ﻣﭩﯽ ﭘﺎﺅ ﻗﺴﻢ ﮐﺎﻣﺸﻮﺭﮦ ﺩﯾﺎ۔ ﻟﯿﮑﻦ ﺑﺎﺑﺮﺗﻮ ﺑﺎﺑﺎﺑﺮ ﺗﮭﺎ ﻟﮍﻧﮯ ﺟﺎ ﭘﮩﻨﭽﺎ، ﺑﺎﺑﺮ ﮐﯽ ﻓﻮﺝ ﮐﻮ ﺍﭘﻨﯽ ﮨﺎﺭ ﮐﺎ ﺍﺱ ﻗﺪﺭ ﯾﻘﯿﻦ ﺗﮭﺎ ﮐﮧ ﺍﻧﮩﻮﮞ ﻧﮯ ﺑﮭﺎﮔﻨﮯ ﮐﮯ ﺭﺍﺳﺘﮯ ﺑﮭﯽ ﺳﻮﭺ ﻟﯿﮯ ﺗﺎﮐﮧ ﺳﻨﺪ ﺭﮨﯿﮟ ﺍﻭﺭ ﺑﻮﻗﺖِ ﺿﺮﻭﺭﺕ ﮐﺎﻡ ﺁﺋﯿﮟ ۔ ﺍﺱ ﭘﮧ ﻣﺴﺘﺰﺍﺩ ﺍﯾﮏ ﻧﺠﻮﻣﯽ ﺑﮭﯽ ﮐﮩﯿﮟ ﺳﮯ ﺁﻥ ﭨﭙﮑﺎ ﺍﻭﺭ ﺍﺱ ﻧﮯ ﭘﯿﺶ ﮔﻮﺋﯽ ﮐﺮﺩﯼ ﮐﮧ ﺍﺱ ﻭﻗﺖ ﺁﭨﮫ ﻧﺤﺲ ﺳﺘﺎﺭﮮ ﺍﮐﭩﮭﮯ ﮨﻮ ﭼﮑﮯ ﮨﯿﮟ۔ ﺑﺎﺑﺮ ﮐﯽ ﮨﺎﺭ ﯾﻘﯿﻨﯽ ﮨﮯ ﺍﺱ ﻟﯿﮯ ﺑﺎﺑﺮ ﮐﻮ ﺭﺍﺟﭙﻮﺗﻮﮞ ﺳﮯ ﻣﻌﺎﮨﺪﮦ ﮐﺮ ﮐﮯ ﺍﺱ ﺟﻨﮓ ﺳﮯ ﺟﺎﻥ ﭼﮭﮍﺍﻟﯿﻨﯽ ﭼﺎﮨﯿﮯ۔ ﺩﮬﻦ ﮐﺎ ﭘﮑﺎ ﺑﺎﺑﺮ ﭘﮭﺮ ﺑﮭﯽ ﭘﯿﭽﮭﮯ ﻧﮧ ﮨﭩﺎ ۔ ﺟﻨﮓ ﮨﻮﺋﯽ ﺍﻭﺭ ﺗﺎﺭﯾﺦ ﻣﯿﮟ ﺑﺎﺑﺮ ﮐﺎ ﻧﺎﻡ ﻓﺎﺗﺤﯿﻦ ﻣﯿﮟ ﻟﮑﮭﺎ ﮔﯿﺎ۔
ﻣﻦ ﮐﮧ ﻣﺴﻤﯽ ﭼﮭﻮﭨﺎ ﻏﺎﻟﺐ ﺟﺲ ﮐﯽ ﭘﺴﻨﺪﯾﺪﮦ ﺷﺨﺼﯿﺎﺕ ﻣﯿﮟ ﺑﺎﺑﺮ ﺑﮭﯽ ﺷﺎﻣﻞ ﮨﮯ ، ﺍﻭﺭ ﺍﺳﺘﺎﺩ ﻣﺤﺘﺮﻡ ِ ﮐﮯ ﻓﺮﻣﺎﻥِ ﻋﺎﻟﯿﺸﺎﻥ ﮐﻮ ﺍﭘﻨﺎ ﺟﻮﮔﯿﺎﻧﮧ ﻧﺼﺐ ﺍﻟﻌﯿﻦ ﺳﻤﺠﮭﺘﺎ ﮨﮯ ﮐﮧ
ﻟﮑﮭﺘﮯ ﺭﮨﮯ ﺟﻨﻮﮞ ﮐﯽ ﺣﮑﺎﯾﺎﺕ ِ ﺧﻮﻧﭽﮑﺎﮞ
ﮨﺮ ﭼﻨﺪ ﮐﮧ ﺍﺱ ﻣﯿﮟ ﮨﺎﺗﮫ ﮨﻤﺎﺭﮮ ﻗﻠﻢ ﮨﻮﺋﮯ
ﯾﮧ ﺳﯿﻒ ﺍﻟﻤﻠﻮﮎ ﮐﯽ ﮐﮩﺎﻧﯽ ﮨﮯ ، ﻧﮧ ﺩﺍﺳﺘﺎﻥِ ﺍﻣﯿﺮ ﺣﻤﺰﮦ ، ﯾﮧ ﻭﮦ ﺣﮑﺎﯾﺖ ﮨﮯ ﺟﻮ ﺷﯿﺦ ﺳﻌﺪﯼ ﻧﮯ ﻧﻘﺺِ ﺍﻣﻦ ﮐﮯ ﺧﺪﺷﮯ ﮐﮯ ﺑﺎﻋﺚ ﮔﻠﺴﺘﺎﻥ ﻣﯿﮟ ﻧﮧ ﻟﮑﮭﯽ ﮐﮧ ﻣﺒﺎﺩﺍ ﻟﯿﻨﮯ ﮐﮯ ﺩﯾﻨﮯ ﭘﮍ ﺟﺎﺋﯿﮟ۔ ﯾﮧ ﭘﺎﻧﭽﻮﯾﮟ ﺩﺭﻭﯾﺶ ﮐﺎ ﻗﺼﮧ ﻧﮩﯿﮟ ﺑﻠﮑﮧ ﭼﮭﭩﮯ ﺭﺍﺟﭙﻮﺕ ﮐﺎ ﮐﭽﺎ ﭼﭩﮭﺎ ﮨﮯ ۔ ﺑﮯ ﺷﮏ ﯾﮧ ﮐﮩﺎﻧﯽ ﺻﺮﻑ ﺫﮨﻨﯽ ﺑﺎﻟﻐﻮﮞ ﮐﯿﻠﺌﮯ ﮨﮯ ﺍﻟﺒﺘﮧ ﺑﮯ ﺫﻭﻕ ﺧﻮﺍﺗﯿﻦ ﺍﻭﺭ ﮐﻮﺭ ﺫﻭﻕ ﺣﻀﺮﺍﺕ ﺍﺳﮯ ﭘﮍﮬﻨﮯ ﮐﯽ ﻏﻠﻄﯽ ﻧﮧ ﻓﺮﻣﺎﺋﯿﮟ۔


ﭘﺘﺎ ﻧﮩﯿﮟ ﮐﻮﻧﺴﯽ ﺩﻓﻌﮧ ﺷﺎﯾﺪ 302 ﮐﺎ ﺫﮐﺮ ﮨﮯ ﮐﮧ ﺳﺴﯽ ﮐﮯ ﭘﯿﺪﺍﺋﺸﯽ ﻋﻼﻗﮯ ﻣﯿﮟ ﺍﯾﮏ ﺑﭽﮧ ﻧﻤﺎ ﭘﯿﺪﺍ ﮨﻮﺍ۔ ﻭﺍﻟﺪﯾﻦ ﮐﻮ ﺣﯿﺮﺕ ﺗﻮ ﮨﻮﺋﯽ ﻟﯿﮑﻦ ﻗﺪﺭﺕ ﮐﺎ ﺗﺤﻔﮧ ﺳﻤﺠﮫ ﮐﺮ ﺩﻝ ﻭ ﺟﺎﻥ ﺳﮯ ﺍﺳﮯ ﻗﺒﻮﻝ ﮐﺮ ﻟﯿﺎ۔ﺗﺎﮨﻢ ﺍﺱ ﺿﻤﻦ ﻣﯿﮟ ﺗﺎﺭﯾﺦ ﮔﻮﻧﮕﮯ ﮐﯽ ﻃﺮﺡ ﺧﺎﻣﻮﺵ ﮨﮯ ﮐﮧ ﻧﻮﻣﻮﻟﻮﺩ ﮐﮯ ﺳﺮ ﭘﮧ ﻣﻮﺟﻮﺩ ﺩﻭﻧﻮﮞ ﺳﯿﻨﮕﻮﮞ ﮐﺎ ﮐﺮﯾﺎ ﮐﺮﻡ ﮐﯿﺴﮯ ﮨﻮﺍ۔ﺍﻟﺒﺘﮧ ﯾﺎﺩِ ﺭﻓﺘﮕﺎﮞ ﮐﮯ ﻃﻮﺭ ﭘﮧ ﻧﺎﻡ ﺭﮐﮫ ﺩﯾﺎ ﮔﯿﺎ، ﺗﺎﮐﮧ ﺍﯾﮏ ﻏﯿﺮ ﺭﺳﻤﯽ ﺳﻨﺪ ﺭﮨﮯ۔ ﻓﺪﻭﯼ ﮐﺎ ﻣﺎﻧﻨﺎ ﮨﮯ " ﮔﺪﮬﮯ ﮐﮯ ﺳﺮ ﺳﯿﻨﮓ ﻏﺎﺋﺐ ﮨﻮﻧﺎ " ﻭﺍﻟﮯ ﻣﺤﺎﻭﺭﮮ ﮐﯽ ﻭﺟﮧ ﺗﺴﻤﯿﮧ ﭘﺮ ﺗﺤﻘﯿﻖ ﮐﯽ ﺟﺎﺋﮯ ﺗﻮ ﻣﺤﺎﻭﺭﮮ ﮐﺎ ﺳﻦِ ﭘﯿﺪﺍﺋﺶ ﺑﮭﯽ ﺷﺎﯾﺪ ﻭﮨﯽ ﻧﮑﻠﮯ ﮔﺎ۔ﮐﺴﯽ ﻧﮯ ﻣﺬﺍﻕ ﻣﯿﮟ ﺑﮭﯽ ﻧﮧ ﺳﻮﭼﺎ ﮨﻮﮔﺎ ﮐﮧ ﯾﮧ ﺍﯾﮏ ﺩﻥ ﺍﺗﻨﺎ ﺑﮍﺍ ﺁﺩﻣﯽ ﺑﻦ ﺟﺎﺋﮯ ﮔﺎ ﮐﮧ ﺍﺱ ﭘﺮ ﻗﻠﻤﮑﺎﺭ ﻗﻠﻢ ﺑﺎﺯﯼ ﮐﺮﺗﮯ ﭘﮭﺮﯾﮟ ﮔﮯ، ﺍﺱ ﻟﯿﮯ ﻣﻮﺻﻮﻑ ﮐﮯ ﺣﺎﻻﺕ ِ ﮔﺰﺷﺘﮧ ﮐﺴﯽ ﻧﮯ ﯾﺎﺩ ﺭﮐﮭﻨﮯ ﯾﺎ ﻟﮑﮭﻨﮯ ﮐﯽ ﺯﺣﻤﺖ ﻧﮧ ﮐﯽ ۔ ﻣﻮﺻﻮﻑ ﻧﮯﺍﺱ ﺑﺎﺕ ﮐﻮ ﺍﺗﻨﺎ ﺩﻝ ﭘﺮﻟﮯ ﻟﯿﺎ ﮐﮧ ﺩﻝ ﻣﯿﮟ " ﺑﮍﺍ ﺁﺩﻣﯽ " ﺑﻨﻨﮯ ﮐﯽ ﭨﮭﺎﻥ ﻟﯽ۔ ﮐﭽﮫ ﺳﺎﻝ ﮐﯽ ﻟﮕﺎﺗﺎﺭ ﮐﻮﺷﺸﯿﮟ ﺟﺐ ﺭﺍﺋﯿﮕﺎﮞ ﮔﺌﯿﮟ ﺗﻮ ﻣﻮﺻﻮﻑ ﻧﮯ " ﻭﺍﻣﺎﻧﺪﮔﯽ ﺷﻮﻕ ﺗﺮﺍﺷﮯ ﮨﮯ ﭘﻨﺎﮨﯿﮟ " ﻭﺍﻟﮯ ﮐﻠﯿﮯ ﮐﮯ ﺗﺤﺖ ﮐﺎﻏﺬﺍﺕ ﻣﯿﮟ ﺍﭘﻨﺎ ﺳﻦِ ﭘﯿﺪﺍﺋﺶ ﺍﯾﮏ ﺳﺎﻝ ﭘﺮﺍﻧﺎ ﺩﺭﺝ ﮐﺮﻭﺍ ﮐﮯ ﺳﻮﭼﺎ ﺩﻝ ﮐﮯ ﺑﮩﻼﻧﮯ ﮐﻮ ﻏﺎﻟﺐ ﯾﮧ ﺧﯿﺎﻝ ﺍﭼﮭﺎ ﮨﮯ ۔
ﺍﭘﻨﯽ ﺧﺪﺍﺩﺍ ﺩ ﻋﺼﺮﯼ ﺣﺴﯿﺖ ﮐﻮ ﮐﺎﻡ ﻣﯿﮟ ﻻ ﮐﺮ ﺑﮍﮮ ﺭﺍﻧﺎ ﺟﯽ ﻧﮯ ﺳﻮ ﭘﺸﺖ ﺳﮯ ﭼﻠﮯ ﺁﺭﮨﮯ ﭘﯿﺸﮧﺀِ ﺁﺑﺎ ﯾﻌﻨﯽ ﺳﭙﮧ ﮔﺮﯼ ﮐﻮ ﺧﯿﺮﺑﺎﺩ ﮐﮩﺎ ﺍﻭﺭ ﻏﺎﻟﺐ ﮐﯽ ﻃﺮﺡ ﺷﺎﻋﺮﯼ ﮐﻮ ﺑﮭﯽ ﺫﺭﯾﻌﮧ ﻋﺰﺕ ِﻧﮧ ﮔﺮﺩﺍﻧﺘﮯ ﮨﻮﺋﮯ ﮐﺎﺷﺖ ﮐﺎﺭﯼ ﮐﻮ ﺷﺮﻑ ﺑﺨﺸﺎﺗﮭﺎ۔ﺗﺎﺁﻧﮑﮧ ﺟﺐ ﺳﻠﻄﻨﺖ ﺩﺳﺖ ﺑﺪﺳﺖ ﻣﻮﺻﻮﻑ ﺗﮏ ﭘﮩﻨﭽﯽ ۔ ﻏﺎﻟﺐ ﺍﻣﮑﺎﻥ ﮨﮯ ﮐﮧ ﺁﭖ ﻧﮯ ﺁﻟﺴﯽ ﻃﺒﯿﻌﺖ ﺳﮯ ﻣﺠﺒﻮﺭ ﮨﻮ ﮐﺮ ﺳﮑﻮﻝ ﺟﺎﻧﺎ ﮔﻮﺍﺭﮦ ﮐﯿﺎ ﻣﺒﺎﺩﺍ ﮐﮩﯿﮟ ﮐﺎﺷﺖ ﮐﺎﺭﯼ ﮐﺎ ﮐﻮﮦِ ﮔﺮﺍﮞ ﮐﮭﻮﺩﻧﺎ ﭘﮍﮮ ۔ ﭼﻨﺪ ﺣﺎﺳﺪﯾﻦ ﮐﺎ ﯾﮧ ﺑﮭﯽ ﻣﺎﻧﻨﺎ ﮨﮯ ﮐﮧ ﺑﭽﭙﻦ ﻣﯿﮟ ﻟﯿﻠﯽٰ ﻣﺠﻨﻮﮞ ﮐﮯ ﻗﺼﮯ ﻣﯿﮟ ﻣﮑﺘﺐ ﻭﺍﻟﯽ ﻭﺍﺭﺩﺍﺕ ﺳﮯ ﻣﺘﺎﺛﺮ ﮨﻮ ﮐﺮ ﺁﭖ ﻧﮯ ﻃﺎﻟﺐ ﻋﻠﻢ ﮨﻮﻧﺎ ﮔﻮﺍﺭﮦ ﮐﯿﺎ ﮐﮧ ﺷﺎﯾﺪ ﺗﺎﺭﯾﺦ ﮐﺎ ﺧﻮﺩ ﮐﻮ ﺩﮨﺮﺍﻧﮯ ﮐﺎ ﻣﻮﮈ ﺑﻦ ﺟﺎﺋﮯ ۔ ﻟﯿﮑﻦ ﻟﯿﻠﯽٰ ﺗﻮ ﮐﯿﺎ ﻟﯿﻠﯽ ‏( ﻟﮯ + ﻟﯽ ‏) ﺑﮭﯽ ﻧﮧ ﻣﻠﯽ۔ ﮐﭽﮫ ﻋﺮﺻﮧ ﻣﻨﮧ ﻟﭩﮑﺎﺋﮯﻟﭩﮑﺎﺋﮯ ﭘﮭﺮﮮ ۔۔۔
ﺍﯾﮏ ﺩﻥ ﺍﭨﻮﺍﭨﯽ ﮐﮭﭩﻮﺍﭨﯽ ﻟﯿﮯ ﻏﻮﺭ ﻭ ﻓﮑﺮ ﮐﮯ ﺟﻮﮨﮍ ﻣﯿﮟ ﺁﻟﺴﯽ ﺑﮭﯿﻨﺲ ﮐﯽ ﻃﺮﺡ ﮔﻮﮈﮮ ﮔﻮﮈﮮ ﮈﻭﺑﮯ ﮨﻮﺋﮯ ﺗﮭﮯ۔ ﻇﺎﮨﺮ ﮨﮯ ﮐﮧ ﺯﯾﺮ ِﻏﻮﺭ ﻣﺴﺌﻠﮧ " ﻭﺟﻮﮨﺎﺕِ ﻋﺪﻡ ﺩﺳﺘﯿﺎﺑﯽ ﻟﯿﻠﯽٰ " ﺗﮭﺎ۔ﺍﻭﺭﺑﻘﻮﻝ ﺷﺎﻋﺮ " ﺍﺩﮬﺮ ﮈﻭﺑﮯ ، ﺍﺩﮬﺮ ﻧﮑﻠﮯ " ﻭﺍﻻ ﺣﺎﻝ ﺗﮭﺎ۔ ﺍﯾﮏ ﮈﺑﮑﯽ ﮐﮯ ﺩﻭﺭﺍﻥ ﺍﺱ ﻧﺘﯿﺠﮯ ﭘﺮ ﭘﮩﻨﭽﮯ ﮐﮧ ﺁﺝ ﮐﻞ ﮐﯿﺪﻭ ﻭﺍﻻﮐﺮﺩﺍﺭ ﺿﯿﺎﺀﺍﻟﺤﻖ ﺍﺩﺍ ﮐﺮ ﺭﮨﮯ ﮨﯿﮟ۔ﺭﺍﺟﭙﻮﺕ ﺧﻮﻥ ﺗﮭﺎ ، ﮐﮭﻮﻝ ﺍﭨﮭﺎ۔ ﭘﺲ ﺍﺱ ﺩﻥ ﮐﮯ ﺑﻌﺪ ﺍﭨﮭﺘﮯ ﺑﯿﭩﮭﺘﮯ ﺻﺪﺭ ﮐﻮ ﺑﺪﺩﻋﺎﺋﯿﮟ ﺩﯾﻨﺎ ﺷﺮﻭﻉ ﮐﺮ ﺩﯾﮟ۔ ﺧﻔﯿﮧ ﺍﯾﺠﻨﺴﯿﻮﮞ ﻧﮯ ﺍﻃﻼﻉ ﺻﺪﺭ ﺗﮏ ﭘﮩﻨﭽﺎ ﺩﯼ ۔ ﺻﺪﺭ ﺻﺎﺣﺐ ﻧﮯ ﻣﺠﺬﻭﺏ ﮐﯽ ﺑﮍ ﺳﻤﺠﮫ ﮐﺮ ﭼﭩﮑﯿﻮﮞ ﻣﯿﮟ ﮐﯿﻮﮞ ﻧﮧ ﺍﮌﺍ ﺩﯾﺎ ، ﺍﺱ ﺿﻤﻦ ﻣﯿﮟ ﻣﻮﺟﻮﺩ ﺳﺐ ﺭﻭﺍﯾﺎﺕ ﺩﺭﺟﮧ ﺿﻌﯿﻒ ﮐﯽ ﮨﯿﮟ، ﺍﺱ ﻟﯿﮯ ﺍﻥ ﮐﺎ ﺫﮐﺮ ﺑﮯ ﻣﺤﺾ ﺍﻭﺭ ﻃﻮﺍﻟﺖ ﮐﺎ ﺑﺎﻋﺚ ﮨﻮﮔﺎ۔ ﺣﻘﺎﺋﻖ ﺻﺮﻑ ﺍﺗﻨﮯ ﮨﯿﮟ ﮐﮧ ﺻﺪﺭ ﺳﺮﮐﺎﺭﯼ ﺩﻭﺭﮮ ﮐﮯ ﺑﮩﺎﻧﮯ ﺩﺭﺍﺻﻞ ﭼﮭﻮﭨﮯ ﺭﺍﺟﭙﻮﺕ ﺳﮯ ﻣﻌﺎﻣﻠﮧ ﺳﻠﺠﮭﺎﻧﮯ ﺗﺸﺮﯾﻒ ﻻ ﺭﮨﮯ ﺗﮭﮯ ،ﺍﺩﮬﺮﭼﮭﻮﭨﮯ ﺭﺍﺟﭙﻮﺕ ﮐﯽ ﭼﮭﭩﯽ ﺣﺲ ﻧﮯ ﭼﻐﻠﯽ ﻟﮕﺎ ﺩﯼ ۔ ﺍﻧﺘﻘﺎﻣﯽ ﺟﺬﺑﺎﺕ ﺳﮯ ﻣﻐﻠﻮﺏ ﺍﻟﻐﻀﺐ ﭼﮭﻮﭨﮯ ﺭﺍﺟﭙﻮﺕ ﻧﮯ ﺁﺅ ﺩﯾﮑﮭﺎ ﻧﮧ ﺗﺎﺅ ﺣﻀﺮﺕ ﺧﻮﺍﺟﮧ ﻧﻈﺎﻡ ﺍﻟﺪﯾﻦ ﺍﻭﻟﯿﺎ ﺀ ﻭﺍﻻ ﻣﻨﺘﺮ ‏( ﮨﻨﻮﺯ ﺑﮩﺎﻭﻟﭙﻮﺭ ﺩﻭﺭ ﺍﺳﺖ ‏) ﭘﮍﮬﻨﺎ ﺷﺮﻭﻉ ﮐﺮ ﺩﯾﺎ ﺍﻭﺭ ﺻﺪﺍﺭﺗﯽ ﺟﮩﺎﺯ ﭘﺎﻧﯽ ﭘﺎﻧﯽ ﮨﻮﻧﮯ ﮐﯽ ﺑﺠﺎﺋﮯ ﺁﮒ ﺁﮒ ﮨﻮ ﮔﯿﺎ۔ ﺩﺭﯾﺎﺋﮯ ﺳﺘﻠﺞ ﮐﺎ ﮐﻨﺎﺭﮦ ﺩﯾﮑﮫ ﮐﺮﭘﺎﺋﻠﭧ ﮐﻮ ﺧﯿﺎﻝ ﺳﻮﺟﮭﺎ ﮐﮧ ﺟﮩﺎﺯ ﮐﻮ ﭘﺎﻧﯽ ﻣﯿﮟ ﮈﺑﮑﯽ ﻟﮕﻮﺍﺋﯽ ﺟﺎﺋﮯ ۔ ﻣﮕﺮ ﭘﺎﻧﯽ ﺗﻮ ﺳﻨﺪﮪ ﻃﺎﺱ ﻣﻌﺎﮨﺪﮮ ﮐﯽ ﺑﮭﯿﻨﭧ ﭼﮍﮪ ﭼﮑﺎ ﺗﮭﺎ۔ ﭘﺲ ﺭﯾﺖ ﮐﮯ ﻓﺮﺵ ﭘﮧ ﮔﺮﺗﮯ ﮨﯽ ﺍﻧﺎﻟﻠﮧ ﻭﺍﻧﺎ ﺍﻟﯿﮧ ﺭﺍﺟﻌﻮﻥ ۔ ﯾﮧ ﺑﮭﯽ ﻋﺠﯿﺐ ﺍﺗﻔﺎﻕ ﺗﮭﺎ ﮐﮧ ﺍﯾﮏ ﺑﺎﺩﺷﺎﮦ ﮐﻮ ﺩﻓﻦ ﮐﯿﻠﺌﮯ ﺩﻭ ﮔﺰ ﺯﻣﯿﻦ ﻧﮧ ﻣﻞ ﺳﮑﯽ ﺗﮭﯽ، ﺍﻭﺭ ﺍﯾﮏ ﮐﻮ ﭼﻠﻮ ﺑﮭﺮ ﭘﺎﻧﯽ ﻧﮧ ﻣﻞ ﺳﮑﺎ۔
ﺣﮑﻮﻣﺖ ﺑﺪﻟﯽ ﺍﻭﺭﭘﺎﮐﺴﺘﺎﻥ ﮐﯽ ﭘﮩﻠﯽ ﺧﺎﺗﻮﻥ ﻭﺯﯾﺮﺍﻋﻈﻢ ﺳﮯ ﭼﮭﻮﭨﮯ ﺭﺍﺟﭙﻮﺕ ﮐﻮ ﺍﻣﯿﺪ ﮨﻮﺋﯽ ﮐﮧ ﻭﻻﯾﺖ ﺳﮯ ﭘﮍﮪ ﮐﮯ ﺁﺋﯽ ﮨﯿﮟ ، ﻣﺨﻠﻮﻁ ﺗﻌﻠﯿﻢ ﻭﺍﻻ ﻗﺎﻧﻮﻥ ﺍﺏ ﺑﻨﺎ ﮐﮧ ﺍﺏ ﺑﻨﺎ، ﻟﯿﮑﻦ ﻋﻮﺍﻡ ﮐﻮ " ﺧﻮﺍﺏ ﺩﮮ ﮐﮯ ﺟﮭﻮﭨﮯ ﻣﻮﭨﮯ " ﺍﭘﻨﯽ ﺗﺠﻮﺭﯾﺎﮞ ﺑﮭﺮﻧﮯ ﻭﺍﻟﮯ ﺳﺮﮮ ﻣﺤﻞ ﺍﻭﺭ ﮔﮭﻮﮌﻭﮞ ﮐﮯ ﭼﺎﺅ ﭼﻮﻧﭽﻠﻮﮞ ﻣﯿﮟ ﮨﯽ ﻣﺼﺮﻭﻑ ﺭﮨﮯ ۔ ﻇﺎﮨﺮ ﻣﯿﮟ ﺗﻮ ﻏﻼﻡ ﺍﺳﺤٰﻖ ﺧﺎﻥ ﺳﺒﺐ ﺑﻨﮯ ﻟﯿﮑﻦ ﺑﻌﺾ ﻟﻮﮔﻮﮞ ﮐﻮ ﺷﮏ ﮨﮯ ﮐﮧ ﭘﯿﭙﻠﺰ ﭘﺎﺭﭨﯽ ﮐﺎ ﺑﻮﺭﯾﺎ ﺑﺴﺘﺮ ﮔﻮﻝ ﮐﺮﻧﮯ ﻣﯿﮟ ﭼﮭﻮﭨﮯ ﺭﺍﺟﭙﻮﺕ ﮐﯽ ﺑﺪﻋﺎ ﮐﺎﺭﻓﺮﻣﺎ ﺗﮭﯽ۔ ﺗﯿﺮ ﮔﯿﺎ ،ﺳﺎﺋﯿﮑﻞ ﺁﯾﺎ ﻟﯿﮑﻦ " ﺍﺣﺒﺎﺏ ﭼﺎﺭﮦ ﺳﺎﺯﯼ ﻭﺣﺸﺖ ﻧﮧ ﮐﺮ ﺳﮑﮯ " ﻧﺘﯿﺠﮧ ﭘﮭﺮ ﻭﮨﯽ۔۔۔ ﯾﻌﻨﯽ ﺩﻭ ﺳﺎﻝ ﺍﮌﮬﺎﺋﯽ ﺳﺎﻝ ﺑﻌﺪ ﺣﮑﻮﻣﺘﻮﮞ ﮐﺎ ﺁﻧﺎ ﺟﺎﻧﺎ ﻟﮕﺎ ﺭﮨﺎ۔ ﺍﻭﺭ ﺍﺱ ﺩﻭﺭﺍﻥ ﺭﺍﻧﺎ ﺟﯽ ﺑﮭﯽ ﻣﮑﺘﺐ ﺳﮯ ﭘﺮﺍﺋﻤﺮﯼ ﺳﮑﻮﻝ ﻣﯿﮟ ﻋﻠﻢ ﮐﯽ ﻣﻨﺰﻟﻮﮞ ﭘﮧ ﻣﻨﺰﻟﯿﮟ ﻣﺎﺭﺗﮯ ﭼﻠﮯ ﮔﺌﮯ۔ ﻭﻗﺖ ﮔﺰﺭﻧﮯ ﮐﮯ ﺳﺎﺗﮫ ﺳﺎﺗﮫ ﺍﺱ ﺿﺪ ﻣﯿﮟ ﮐﻤﯽ ﺁﻧﮯ ﮐﯽ ﺑﺠﺎﺋﮯ ﺍﺿﺎﻓﮧ ﮨﯽ ﮨﻮﺗﺎ ﭼﻼ ﮔﯿﺎ، ﺍﻧﺪﺭﻭﻧﯽ ﺳﺒﺐ ﺷﺎﯾﺪ ﯾﮧ ﺗﮭﺎ ﮐﮧ ﺁﺗﺶ ﮐﯽ ﻃﺮﺡ ﺭﺍﻧﺎ ﺑﮭﯽ ﺟﻮﺍﻧﯽ ﮐﯽ ﺟﺎﻧﺐ ﮔﺎﻣﺰﻥ ﺗﮭﺎ۔
ﮔﻮ ﻣﯿﮟ ﺭﮨﺎ ﺭﮨﯿﻦِ ﺳﺘﻢ ﮨﺎﺋﮯ ﺭﻭﺯﮔﺎﺭ
ﻟﯿﮑﻦ ﺗﯿﺮﮮ ﺧﯿﺎﻝ ﺳﮯ ﻏﺎﻓﻞ ﻧﮩﯿﮟ ﺭﮨﺎ

(جاری ہے)

تازہ ترین تحریریں اپنے ای میل ایڈریس پر حاصل کریں

There was an error in this gadget

کرم فرما